Sanang jo Sayang

Ilustrasi: Ai Sahidah//janangid

Oleh; Duski Samad – Ketua MUI Padang

JANANG.ID– 07/01/ 2020 – Panutuik tahun 2019 ko, salanjuiknyo di awal tahun 2020 ko, patuik kironyo kita mananyoi diri masing-masing lah bara lamo waktu nan dipakai. Mano nan lamo nan alah ditinggaan jo nan ka dijalang. Pasti babeda masing-masing urang, ado nan tuo, ado nan mudo, ado nan sihaik, tantu ado pulo nan sakik. Dalam babeda itu lah rahmat jo nikmat labiah taraso.

Namun ba juo keadaan susah jo senang, sayang jo banci alah menjadi pakaian hiduik, sunnatullah nan indak dapek di banyak tajadinyo. Dalam mahetong diri di akhir tahun banyak hal nan harus dipariso. Nabi ba sabda artinyo, “hetong-hetong lah diri, sabalun di hituang Malaikat nantinyo, timbang-timbang pulolah badan, sabalun di timbang di akhirat nantinyo.

Kesadaran mangukua diri sangaik paralu untuak manantukan apo nan dikarajoan di tahun nan ka tibo. Nabi juo maingekan, artinyo; “siapa sajo nan hari kini ko lebih buruk dari nan patang, itulah urang nan takutuak, urang nan samo sajo nan kini jo patang, itu urang marugi, nan labiah baik kini dari patang, itulah urang nan balabo.” Untuk menjago jaan hilang labo, mako paralu dilakukan karajo nan labiah baik di maso nan ka tibo.

SUMBER NAN ELOK
Karajo elok dan baiak baru ka bajalan bilo di awali mangarajoannyo dari raso sanang jo sayang. Sanang jo sayang itu disabuik juo jo mahabbah, artinyo cinto, perasaan, pikiran dan raso hati nan bulek bahwa nan dilakukan itu baik dan manfaat banyak.  Mahabbah itu disabuik dalam al Quran. Allah SWT berfirman artinyo:”…dan di antara manusia ada orang yang menyembah tuhan selain Allah sebagai tandingan yang mereka cintai seperti mencintai Allah. Adapun orang-orang yang beriman sangat besar cintanya kepada Allah. Sekiranya orang-orang yang berbuat zalim itu melihat, ketika mereka melihat azab (pada hari Kiamat), bahwa kekuatan itu semuanya milik Allah dan bahwa Allah sangat berat azab-Nya (niscaya mereka menyesal).”(QS. Al-Baqarah 2: Ayat 165)

Ayat di ateh mengandung duo pengertian, nan partamo sanang jo sayang kapado siapo dan benda apapun pasti akan sio-sio, akan habih, hanyuik, fana dan pasti nanti akan menyasa. Oleh karano itu mako cintoilah sakadarnyo sajo. Jaan lupo sayang ka Allah karano sayang ka urang, harato dan pakaian dunia nangko. Allah menjalehkan bahwa orang sanang jo saya kapado benda adolah zalim.

Nan ka duo orang mukmin nan paling disanangi dan disayangi hanya Allah. Bilo nan di sanangi dan sayangi adolah Allah mako urang itu akan mandapek an kehidupan bahagia dunia jo akhirat.

Kesimpulannyo, sanang jo sayang kapado Allah adolah sumber kebaikan nan abadi. Hidup dari Allah dan nantik akan kembali pada Allah. Inna lillahi wainna ilaihi rajiun.(*)

Facebook Comments

About the author

mm
Prof. Dr. Duski Samad, M.Ag

Prof. Dr. Duski Samad, M.Ag, Ketua MUI Kota Padang, merupakan dosen dan guru besar di UIN Imam Bonjol. Tulisannya tersebar di beberapa media cetak dan aktif mengelola Duski Samad Institute. Salah satu bukunya yang sudah terbit, Konseling Sufistik (Grafindo Press Jakarta; 2017)