Salah Gaduah

Buyuang sabana kecewa diusia Apak si Mira. Nyo racak onda asbul sakancang-kancangnyo. Pikirannyo kacau balau, cando kudo dipantak tungau. Ndak lamo sudah tu Buyuang baranti di sebuah cafe. Buyuang mambali limun dingin untuak manyajuakkan kapalonyo nan sadang angek. Salasai minum, inyo kalua dari cafe. Di lua tampak dek Buyuang cewek kamek sadang duduak di ateh onda. Mandakek lah Buyuang ko untuak manggaduahnyo.

Buyuang…
“Ado midun ado kacak
Si kacak banyak tanyo
Eh adiak sabana rancak
Kalo buliah tau siapo namo?”
(Gombal)

Cewek…
“Di dalam lubang ado gulo-gulo
Dimakan dek ramo-ramo
Abang pun ganteng pulo
Tapi apo lah arti sabuah namo”
(Gombal pulo stek)

Buyuang…
“Anak gadih di ujuang batu
Pai mancari anak ikan
Jadihlah kalau baitu
Apo adiak alah makan?”
(Cie ciee agiah Yuang)

Cewek…
“Sakik kapalo raso ka rangkah
Sakiknyo duo pakan
Eh abang sabana gagah
Kebetulan denai alun makan”
(Kesempatan mah hehe)

Buyuang…
“Ka hutan baburu kandiak
Painyo hari rabu
Itu ndak kabara doh diak
Ko tambahnyo pulsa 50ribu”
(Lah ma ongeh lo haha)

Cewek…
“Onde-onde dalam toko
Onde-ondenyo basah mangambang
Onde… sabana elok abang ko
Mokasi banyak bang”
(Lumayan untuak internetan)

Buyuang…
“Ramo-ramo di pungguang kandiak
Ka lauik basilancar
Yo samo-samo diak
Eh apo adiak alah punyo pacar?”
(Cieee nembak haha)

Cewek…
“Ado buruang sadang tabang
Hinggok di lauik basilancar
Kalau itu tanyo abang
Jujur denai alun punyo pacar”
(Maagiah harapan)

Buyuang…
“Ka lauik basilancar
Sambia makan gulo-gulo
Siap tu baco koran
Kalau adiak alun punyo pacar
Abang pun sedang jomblo
Mari kito pacaran”
(Dor!! Tembak langsuang)

Cewek…
“Anai-anai basilancar
Pulangnyo ka suliki
Denai memang ndak punyo pacar
Tapi denai lah BALAKI”
(Mati lah hahaha)

Buyuang…
“Paragede di makan buruang dara
inggoknyo di batang kaladi
Ondeee… Kaleraaa…
Mangecek lah dari tadi… !!”
*Nangih guliang-guliang wkwkwk* (HZ)

Facebook Comments

About the author

mm
HARIO ZONES

HARIO ZONES, Lahir 11 November 1984 di Payakumbuh dari rahim seorang Ibu yang sangat menginginkan anak perempuan karena tiga anak sebelumnya adalah laki-laki. Alumni SMA 2 Payakumbuh 2002 yang sangat gagah rupawan. Selepas SMA kemudian melanjutkan kehidupannya di Bandung sebagai pedagang pakaian. Hobinya menulis apa saja mulai dari yang tidak penting sampai ke yang tidak penting banget. Beliau juga hobi membaca sejak SD berawal dari membaca koran bekas gorengan.

mm By HARIO ZONES