LIBURAN KA BANDUANG (PART.2)

Buyuang lah tibo di Banduang, salamo di Banduang Buyuang tingga dirumah si Rio, kawan samo gadangnyo sangkek di kampuang. Tapi Rio labiah gagah sarato santiang dibandiang Buyuang, jadi paja tu mamanggia Bos ka si Rio, wkwkwk.
Pai lah Rio jo Buyuang jalan-jalan ka Pasa Baru. Rencana ka dibalian dek Rio si Buyuang ko sarawa 501 kw 7 agak ciek. Katiko Rio sadang sibuk-sibuk maago sarawa untuak si Buyang ko, nan si Buyuang pai ka WC. Ndak lamo sudahtu Buyuang tibo liak cando urang bagak sudah bacakak.
Rio : “Dari ma ang Yuang?”
Buyuang : “Dari WC, lai jaleh?”
Ambo : “Eh baa dek emosi bana ang tungau?? Den pijakan lidah ang beko..!!”
Buyuang : “Tadi pas kalua dari WC ado preman nan sadang mabuak manggaduah den, dicoleknyo pungguang den..!!”
Ambo : “Hah..!! Tu baa sudahtu?”
Buyuang : “Diam se den nyo, kok dilawan badannyo gadang, bapanau lo lai, takuik den..!!”
Ambo : “E kaleraaaa..!! Jantan itiak ang mah, panakuik. Percuma se ang lamo di Banten manjua cindua nyo, preman se ndak talok diang malawan doh. Kalau ado urang manggaduah ang langsuang tinju sakali. Lai jaleh diang?”
Buyuang : “Lai bos..!!”
*angguak-angguak cando balam patuah*


Mambali sarawa lah siap, tibo wakatu sumbayang luhua. Pai Rio jo Buyuang ka Musajik. Tapi urang nan sumbayang bajama’ah lah salasai. Buyuang ko sabananyo paliang maleh bana sumbayang, tapi dek sagan jo Rio tapaso baliau ko sumbayang. Pado ndak jadi si Rio maagiah sarawa beko. Bagageh lah Buyuang ko bauduak, duluannyo dari Rio. Salasai bauduak, langsuang Buyuang masuak ka Musajik. Pas di dalam Musajik, Buyuang pun sumbayang mamulai raka’at partamo. Nan Rio masih bauduak. Pas Buyuang tagak masuak lah urang lain nan ka sumbayang pulo, langsuang mancolek pungguang si Buyuang.
Spontan Buyuang madok ka balakang, diramehnyo dek Buyuang krah baju urang tu, malayang tinju ndak ba rem Buyuang ka muncuang urang tu “PRANG..!!”
Langsuang tumbang pingsan tatilantang urang tu.
“Kurang aja ang..!! Urang sumbayang ang gaduah juo, dubilih gadang ang mah..!!“ Hariak Buyuang emosi.
Dek mandanga suaro mamakak dalam Musajik, Rio langsuang masuak ka dalam.
Rio : “Hah..?? Apo nan tajadi Yuang? Ang pangaan urang tu?”
Buyuang : “Den tinju muncuangnyo, digaduahnyo den sumbayang, dicoleknyo pungguang den..”
Rio : “Onde mandeeee.. Inyo mancolek pungguang ang tu ndak manggaduah ang sumbayang doh, tapi maagiah kode kalau ang imamnyo, nan inyo jadi ma’mum dibalakang.. Arrrrrrrg !!”
*ikuik pingsan*
Buyuang : “Oh.. #%&@..!!” (*)

Facebook Comments

About the author

mm
HARIO ZONES

HARIO ZONES, Lahir 11 November 1984 di Payakumbuh dari rahim seorang Ibu yang sangat menginginkan anak perempuan karena tiga anak sebelumnya adalah laki-laki. Alumni SMA 2 Payakumbuh 2002 yang sangat gagah rupawan. Selepas SMA kemudian melanjutkan kehidupannya di Bandung sebagai pedagang pakaian. Hobinya menulis apa saja mulai dari yang tidak penting sampai ke yang tidak penting banget. Beliau juga hobi membaca sejak SD berawal dari membaca koran bekas gorengan.

mm By HARIO ZONES