DETEKTIF

Trio Bingkaruang dapek tugas dari Pak Jorong manjadi detektif untuak maintai rumah Van Houtten. Si Bule Bulando nan acok dikarajoan dek Trio Bingkaruang tu. Karano Pak Jorong mandapek kaba kalau Van Houtten manyimpan narkoba dirumahnyo.

Demi tugas negara jo manyalamaikkan generasi mudo dari pangaruah narkoba. Akhianyo Trio Bingkaruang malaksanakan tugas dari Pak Jorong tu.

Buyuang, Togar jo Acong pun manuka kostumnyo surang-surang.

Pakai jas jo dasi itam, sarawa katun itam, sipatu kulik itam, topi bulek itam, sarato kaco mato itam, sampai ka lidah si Buyuang bagai nan itam, wkwkwk.. Mukasuik Trio Bingkaruang pakai kostum cando itu, bia bantuak mafia Italiano.

Sabalun barangkek ka tujuan. Tagak babaris Trio Bingkaruang ko..
Buyuang : “Iko tugas no kampuang kito no.. Jadi no kito no harus no berhasil no..”
Togar : “Batua no bana no, setuju no..”
Acong : “Iyo no, demi no kampuang no kito no..”

Mangecek gaya mafia Itali sambia maisok cerutu (rokok lintang anam nan baagiah dadak kopi wkwkwk)
Untuak manpalancar operasi, tapaso basalang oto Grand Max Abaknyo si Acong. Dalam oto tu lah siap kasado perlengkapan nan dianggap paralu, mulai dari obeng, tang, gergaji basi sampai cangkua bagai. Mulailah Trio Bingkaruang beraksi manuju rumah Van Houtten.

Trio Bingkaruang pun tibo dimuko rumah Van Houtten.
“Ciiiiiit..” Oto langsuang baranti..
“Sreeeeet..” Pintu tangah oto Grand Max tabukak, bageser kakida, Buyuang jo Togar langsuang malompek kalua sacaro gesit. Baitu pulo Acong nan jadi supir, malompek ka posisi tangah, sudahtu malompek kalua cando Togar jo Buyuang. Bia kesannyo ‘WOW’ gitu sanak.

Buyuang langsuang malompek paga jo sigapnyo, samantaro Acong jo Togar masuak sacaro biaso-biaso se nyo, bukak pintu gerbang paga, sudahtu masuak. Buyuang pun gawik-gawik ikua.. Wkwkwk..
‘KUMPRANG..’ Pintu didongkak si Buyuang. Langsuang Buyuang masuak. Samantaro Togar jo Acong tagak dikida suok sampiang pintu mancaliak situasi. Ndak lamo sudahtu babunyi Roger (Radio Panggil) si Togar.

“Bingkaruang duo no.. Bingakaruang duo no.. Ganti.. Krek.. Krek..” Tadanga suaro Buyuang dari dalam rumah.
“Iyo no.. Bingkaruang duo no disiko no, ado apo no ? Ganti.. Krek.. Krek.. ” Jawek Togar.
“Situasi aman no, Van Houtten no sadang ndak ado no, aden no sadang didalam gudang no, didalam gudang no diateh meja no, ado cairan warna putiah no, bantuaknyo sabu-sabu cair no.. Ganti.. Krek.. Krek.. ” Kecek Buyuang.
“Cubo no jilek no cairan warna putiah tu no, apo batua itu sabu-sabu cair no.. Ganti.. Krek.. Krek.. ” Jawek Togar.
“Oke no.. (dijileknyo dek Buyuang) haaaaik no.. Hueeeeek no.. Ganti.. Krek.. Krek.. ” Kecek Buyuang sambia marasok-rasok lidahnyo.

“Ado apo no? Ganti.. Krek.. Krek..” Tanyo Togar.
“Asin no.. Salemo kironyo no.. Oh nooooooooo…!! Huweeeek.. Ganti.. Krek.. Krek..” Jawek Buyuang sambia muntah.
Togar jo Acong saliang madok, sudahtu no.. No.. No… No.. MUAHAHAHAHA no..
Basambuang no wkwkwk (HZ)

Facebook Comments

About the author

mm
HARIO ZONES

HARIO ZONES, Lahir 11 November 1984 di Payakumbuh dari rahim seorang Ibu yang sangat menginginkan anak perempuan karena tiga anak sebelumnya adalah laki-laki. Alumni SMA 2 Payakumbuh 2002 yang sangat gagah rupawan. Selepas SMA kemudian melanjutkan kehidupannya di Bandung sebagai pedagang pakaian. Hobinya menulis apa saja mulai dari yang tidak penting sampai ke yang tidak penting banget. Beliau juga hobi membaca sejak SD berawal dari membaca koran bekas gorengan.

mm By HARIO ZONES