Detektif (Part.2)

Gara-gara manjilek salemo nan disangko sabu-sabu caia, pingsan si Buyuang jadinyo, tapaso Togar jo Acong mamapahnyo pulang.
Akhianyo Lesuik jo Botak dapek tugas dari Pak Jorong untuak manggantikan detektif Bingkaruang manyalidiki rumah bule ualando Van Houtten, nan dicurigai manyimpan narkoba di rumahnyo.

Jo stelan ala detektif, baju piama, pakai kupiah, sandang kain saruang di bahu… wkwkwk.. Detektif apo ustadz ko.
Pai lah Lesuik jo Botak maintai rumah Van Houtten tu jo onda astrea gren Abak Lesuik. Karano takuik kehadiranyo diketahui dek Van Houtten, nyo jujuang lah onda astrea gren Lesuik tu sampai ka rumah Van Houtten, baa kok nyo jujuang? Sabab, kalau diiduikan takuik ketahuan dek Van Houtten atau warga sakitar wkwkwk.

Satibonyo di rumah Van Houtten, Botak manunggu di lua untuak jago-jago saandainyo Van Houtten tibo. Lesuik masuak ka dalam rumah Van Houtten.Memang, Van Houtten sadang ndak ado dirumah. Nyo caliak siso cairan putiah nan talatak diateh meja, iko nan mambuek si Buyuang pingsan mah, jan sampai kanai lo den, kecek Lesuik dalam hati.

Lesuik : “Panyangek satu panyangek duo over…? kreek kreek..”
Botak : “Panyangek satu panyangek duo stanbay.. kreek.. kreek..”
Lesuik : “Bantuaknyo aden manamuan salemo nan mambuek si Buyuang tadi pingsan ‘Ganti’…!”

Ndak lamo sudah tu tibo Botak kadalam rumah.
Lesuik : “Tak.. Manga lo ang masuak ka dalam, den suruah ang jago di lua mah..!!”
Botak : “Tapi ang suruah den masuak tadi.. koha..” (maagiahan roger nan nyo pacik)
Lesuik : “Untuak apo lo roger ang dek den? Aden kan ado lo ko haa…”
Botak : “Tapi ang nan manyuruah ganti tadi..? Tu mangkonyo masuak den, ko ha.. Ganti lah capek roger den ko, buliah den baliak kalua liak..!!”
Lesuik : “Handddeeeehh.. Mukasuik den ganti an awak mangecek, bukan ganti roger, ndak nio den roger ang doh.. baun salero ang.. Ndak pulo ado sticker Cherry Bell nyo doh..”
Botak : “Ndeeh.. Jan kan sticker cherry bell, sticker smash ado dek den mah..”
Lesuik : “Pokoknyo ndak nio den..
Botak : “Jan banyak kecek ang.. capek lah ganti.. (marabuik paso)
Aarrrrgghh… aarrrffhhhgrhh…(lesuik jo botak barabuik roger)

“Brruukk..”Ang tenju den Taak..
“Guubbrraaakk..” Ang dongkak den Suik..
“Tuang tang.. tuang taang..” Bajadi si Lesuik jo Botak parang tinju mamparabuikan roger tu…

Tibo-tibo..
“Woooooyy.. Apo nan ang karajoan di rumah den?” Hariak Van Houtten nan baru tibo dari lua.
Lesuik : “Jan sato lo mangkuak..”
Botak : “Yoo, ko urusan kami mah…”
“Gubraak tuang tang..” Malanjuikkan patangkaranyo mamparabuikan roger. Van Houtten nan mancaliak tu, mancubo malarai Lesuik jo Botak.

“GUBBRRAAAAAKK Aduuaaaahh..” Tapi sayang, Van Houtten kanai dongkak perai ciek.
Van Houten : “Biawak ang sorang-sorang mah, Kalua ang dari rumah deeeeeenn…!!”
Lesuik/Botak : “Rumaah deen….? Eeehh… Pak Van Houten.. Kecek kami kok sia-sia tadi ko.. Kabuuuuuuuur..!!” Lesuik jo botak kabur manjunjuang onda astreanyo.
Van Houtten : “Wooooyy.. Awaaass ang.. Lah ang buek kacau rumah deenn…” Mangaja Lesuik jo Botak sambia manjunjuang rumahnyo wkwkwk.
Basambuang.. (Kasek)

Facebook Comments

About the author

mm
HARIO ZONES

HARIO ZONES, Lahir 11 November 1984 di Payakumbuh dari rahim seorang Ibu yang sangat menginginkan anak perempuan karena tiga anak sebelumnya adalah laki-laki. Alumni SMA 2 Payakumbuh 2002 yang sangat gagah rupawan. Selepas SMA kemudian melanjutkan kehidupannya di Bandung sebagai pedagang pakaian. Hobinya menulis apa saja mulai dari yang tidak penting sampai ke yang tidak penting banget. Beliau juga hobi membaca sejak SD berawal dari membaca koran bekas gorengan.

mm By HARIO ZONES