AROK JO NIKMAT

UNPLASH.COM

Nikmat adolah pambarian Allah yg diagiahan kapado sagalo urang bahkan kapado sagalo makhluk Allah swt. Nikmat Allah swt itu basipaik umum dan laweh, untuk mamudahkan kahidupan yang diinginkannyo. Allah agiah manusia nyawo nan berasa dari Allah itu sendiri. Dibari pulo pandagaran, panglihatan dan hati, namun banyak urang nan indak basyukur atas nikmat Allah nan sangaik baharago tu.

Allah swt bafirman:
ثُمَّ سَوّٰٮهُ وَنَفَخَ فِيْهِ مِنْ رُّوْحِهٖ وَجَعَلَ لَكُمُ السَّمْعَ وَالْاَبْصَارَ وَالْاَفْــئِدَةَ     ۗ  قَلِيْلًا مَّا تَشْكُرُوْنَ

Kemudian Dia menyempurnakannya dan meniupkan roh (ciptaan)-Nya ke dalam (tubuh)nya dan Dia menjadikan pendengaran, penglihatan, dan hati bagimu, (tetapi) sedikit sekali kamu bersyukur.“(QS. As-Sajdah 32: 9)

Allah swt mancukuikan sagalo kabutuhan manusia dalam bateh-bateh nan lah ditantukan. Alam semesta, bumi, langik, lauik, udaro dan sagalo nan ado di dalam dan di ateh alam ko nikmat untuak manusia. Kalau dihetong nikmat Allah swt pasti manusia kan indak sanggup maetongnyo.

وَاِنْ تَعُدُّوْا نِعْمَةَ اللّٰهِ  لَا تُحْصُوْهَا ۗ  اِنَّ اللّٰهَ لَـغَفُوْرٌ رَّحِيْمٌ

Dan jika kamu menghitung nikmat Allah, niscaya kamu tidak akan mampu menghitungnya. Sungguh, Allah benar-benar Maha Pengampun, Maha Penyayang.”
(QS. An-Nahl 16: Ayat 18)

Nikmat Allah swt nampak dalam sagalo hal, keadaan dan kalimat-kalimat Allah swt itu sendiri.
قُلْ لَّوْ كَانَ الْبَحْرُ مِدَادًا لِّـكَلِمٰتِ رَبِّيْ لَـنَفِدَ الْبَحْرُ قَبْلَ اَنْ تَـنْفَدَ كَلِمٰتُ رَبِّيْ وَلَوْ جِئْنَا بِمِثْلِهٖ مَدَدًا

Katakanlah (Muhammad), Seandainya lautan menjadi tinta untuk (menulis) kalimat-kalimat Tuhanku, maka pasti habislah lautan itu sebelum selesai (penulisan) kalimat-kalimat Tuhanku, meskipun Kami datangkan tambahan sebanyak itu (pula).”(QS. Al-Kahf 18: Ayat 109)

Mukasuik kalimat “Tuhan” dalam ayat di ateh  samo maknanyo jo nikmat Tuhanmu.
Melihek ayat-ayat di ateh jaleh bana bahwa nikmat harus di arokan bana. Syekh Ibnu Athailah nan manulih kitab al- Hikam pado pasal nan patamo manjalehan tando urang nan indak harok jo nikmat Allah swt.

Urang nan kurang aroknyo ka nikmat adalah sia sajo nan sangaik bagantung kapado usaho dan amal perbuatannyo. Usaho dan amal bukanlah jaminan untuak menunju an arok jo nikmat. Amal jo usaho adalah jalan sajo tando taat pado Allah swt.

Katulusan dan keikhlasan dalam menjalankan usaho dan amal itu adolah tando-tando urang lai arok ka nikmat Allah. Allah menyuruh bahwa sagalo amal hanyo dinilai oleh sang panilai, Allah. Tidaklah ado arti amal kalau indak ikhlas.

Allah SWT bafirman:
وَمَاۤ اُمِرُوْۤا اِلَّا لِيَعْبُدُوا اللّٰهَ مُخْلِصِيْنَ لَـهُ الدِّيْنَ    ۙ  حُنَفَآءَ وَيُقِيْمُوا الصَّلٰوةَ وَيُؤْتُوا الزَّكٰوةَ وَذٰلِكَ دِيْنُ الْقَيِّمَةِ

“Padahal mereka hanya diperintah menyembah Allah, dengan ikhlas menaati-Nya semata-mata karena (menjalankan) agama, dan juga agar melaksanakan sholat dan menunaikan zakat; dan yang demikian itulah agama yang lurus (benar).”(QS. Al-Bayyinah 98: 5).

Kasimpulan kaji nan disabuik di ateh bahwa sajonyo tando-tando urang nan indak arok jo nikmat Allah adolah inyo sangaik mangandalkan amal nan lahia sajo. Amal lahia baru bermanfaat saat punyo ruh ikhlas. Ikhlas nan sabananyo menunjukkan harok ka nikmat Allah. Marilah kita pariso taruih kato hati dalam ba ibadah.

DS, 1 Ramadhan 1439H.

Facebook Comments

About the author

mm
Prof. Dr. Duski Samad, M.Ag

Prof. Dr. Duski Samad, M.Ag, Ketua MUI Kota Padang, merupakan dosen dan guru besar di UIN Imam Bonjol. Tulisannya tersebar di beberapa media cetak dan aktif mengelola Duski Samad Institute. Salah satu bukunya yang sudah terbit, Konseling Sufistik (Grafindo Press Jakarta; 2017)